Marisa del Río (Santiago, 1965) é Doutora en Ciencias Económicas e Empresariáis. Comezou a súa actividade profesional como Profesora na Área de Comercialización e Investigación de Mercados da USC, na que imparte docencia desde 1991. Desde os inicios da súa actividade académica interesouse pola orientación ao mercado das organizacións na súa dimensión cultural -na base da consideración dos consumidores e organizacións como elemento central das estratexias e accións organizativas- e conductual - o que abrangue aspectos relativos á busca de información para o deseño e implantación de respostas adecuadas. Ten afondado nesta temática no eido da industria e dos servizos públicos e privados e, recentemente, os seus intereses de investigación se concentran na súa aplicabilidade á implantación de estratexias turísticas conducentes a un desenvolvemento sostible das comunidades.